Тропарь преподобному Антонию Римлянину, Новгородскому

Тропарь преподобному Антонию Римлянину, Новгородскому, глас 4

Ветхий Рим, отечество твое, оставив, / на камень, яко на легкий корабль, возшел еси / и на нем паче естества, аки безплотен, по водам шествовал еси, / промышлением Божественнаго разума направляемь, / Великаго Новаграда достигл еси / и, обитель в нем сотворив, / тело твое в ней предложил еси, яко дар освящен. / Тем молим тя, отче Антоние: / моли Христа Бога, да спасет души наша.

Кондак преподобного Антония, глас 8

Римское воспитание, Великому же Новуграду благодатное процветение,/ многими бо труды и подвиги в нем Богу угодил еси./ Сего ради чудес дарований от Него сподобился еси,/ и тело твое многими леты соблюде нетленно./ Мы же, сие лобызающе, радостно от души вопием ти:// радуйся, отче Антоние.