Святый, славный и всехвальный великомучениче Христов Иоанне, несумненный ходатаю нашего спасения! Молим тя, раби твои, собрании днесь в Божественнем твоем храме и раце святых мощей поклоняющиеся; милостив буди якоже нам, тако и далече отстоящим и на помощь тя призывающим и мученическия твоя страдания похвалами ублажающим. Испроси нам всем у многомилостиваго Господа Бога и Спаса нашего Иисуса Христа прощения и оставления грехов, до сего дне и часа содеянных нами. Сохрани нас невредимых от всех козней лукаваго и ненаветну жизнь нашу соблюди от всех зол душевных и телесных, всегда, ныне и присно и во веки веков. Аминь.
Житие на земли добре окормляя, страдальче, милостынями, и частыми молитвами, и слезами, паки же ко страданию мужески устремився, персское обличил еси нечестие. Темже Церкве был еси утверждение и христиан похвало, Иоанне приснопамятне.
Морскую плавая пучину куплею, от востока тщался еси к северу, но Богу призвавшу тя, якоже Матфей мытницу, ты же куплю оставль и Тому последовал еси кровию мучения, временными искупив непроходимая, и венец приял еси непобедимый.
Память святого Великомученика Иоанна Сочавского празднуется 15/2 июня.
Использование материалов сайта возможно только с письменного разрешения редакции.
По вопросам публикации своих материалов, сотрудничества и рекламы пишите по адресу blago91@mail.ru