‣ Меню 🔍 Разделы
Вход для подписчиков на электронную версию
Введите пароль:

Продолжается Интернет-подписка
на наши издания.

Подпишитесь на Благовест и Лампаду не выходя из дома.

Православный
интернет-магазин





Подписка на рассылку:

Наша библиотека

«Блаженная схимонахиня Мария», Антон Жоголев

«Новые мученики и исповедники Самарского края», Антон Жоголев

«Дымка» (сказочная повесть), Ольга Ларькина

«Всенощная», Наталия Самуилова

Исповедник Православия. Жизнь и труды иеромонаха Никиты (Сапожникова)

Архиепископ-хирург

Краткое житие и акафист Святителю-исповеднику Луке (Войно-Ясенецкому).


Валентин Феликсович Войно-Ясенецкий (будущий Святитель Лука) родился 27 апреля 1877 г. в Керчи в дворянской семье провизора. Вскоре семья переехала в Киев. Отец, Феликс Станиславович, был ревностным католиком, мать, Мария Дмитриевна, держалась Православных традиций. У них было две дочери и трое сыновей. На выпускном экзамене директор гимназии подарил Валентину Феликсовичу Новый Завет, и эта Книга книг до глубины души потрясла юношу.
У Валентина Войно-Ясенецкого была склонность к рисованию, и он собрался поступать в Петербургскую Академию художеств. Но вскоре решил, что не имеет права заниматься тем, что ему нравится, а должен заняться тем, что приносит пользу людям. Он поступил на медицинский факультет Киевского университета (эти два таланта — живописца и врача — были свойственны и его будущему тезоименитому покровителю, Евангелисту Луке). Хирургическую практику молодой врач начал на Дальнем Востоке во время русско-японской войны. В Чите он женится на Анне Васильевне Ланской, работавшей в госпитале сестрой милосердия (в госпитале называли ее за замечательные душевные качества «святой сестрой»). Потом хирург трудится в больницах Курской, Саратовской областей. Одинаково доброжелательно относился он как к простым пациентам из крестьян, так и к помещикам. В Москве он работал над диссертацией о новых методах анестезии. В 1915 г. вышла его книга «Региональная анестезия», которая принесла молодому врачу известность в научных кругах. На следующий год он становится доктором медицины. В Переславле-Залесском он делает сложнейшие операции, в том числе на сердце и мозге. Начинает часто посещать храм. Обдумывает план будущей книги «Очерки гнойной хирургии», и вдруг ему явилась «простая странная, неотвязная мысль: как эта книга будет написана, на ней будет стоять имя Епископа».
В 1917 г. его жена заболела туберкулезом. Вся семья переезжает в Ташкент, где Валентин Феликсович занял должность главного врача городской больницы. Первый его арест (продлившийся недолго) отнял у его жены последние силы, и вскоре она умерла. Попечение о детях взяла на себя бездетная операционная сестра София Сергеевна Белецкая, недавно похоронившая мужа. А будущий Архипастырь избирает путь служения Церкви.
В конце 1920 года Валентин Феликсович присутствует на епархиальном собрании. Его выступление произвело большое впечатление на слушателей, а после собрания Епископ Ташкентский и Туркестанский Иннокентий отвел его в сторону и сказал: «Доктор, вам надо быть священником!» Эти слова врач воспринял как призыв Божий. Посвящение во диакона известного врача произвело сенсацию в Ташкенте. Вскоре он принял монашество и в праздник Сретения Господня был рукоположен в сан священника. Он вступил на стезю церковного служения в самые трудные годы начала гонений на Церковь. На съезде туркестанское духовенство, зная высокую духовную жизнь Войно-Ясенецкого, избрало его на Ташкентскую Архиерейскую кафедру. Как в первые века христианства, народ Божий и духовенство поставило над собой Епископа. Он принимает монашеский постриг с именем Луки, и вскоре два ссыльных Архиерея совершают над ним архиерейскую хиротонию под Самаркандом. Патриарх Тихон утвердил и признал законной хиротонию. Архиереем Владыка Лука стал 31 мая 1923 г. Он готовил себя не к почестям, не к наградам, а к исповедничеству и мученичеству за Христа. Вскоре последовали арест и ссылка в г. Енисейск. В ссылке он активно занимается врачебной деятельностью. В 1926 г. он вновь возвращается в Ташкент. Ежедневно принимает десятки посетителей, и всем врачебную помощь оказывает безплатно. Вторая ссылка — в Архангельск. Лично С.М. Киров уговаривал Епископа-хирурга сложить с себя сан — и тогда ему будет предоставлен целый институт для научной деятельности. Но Владыка не только отказался снимать с себя сан, но даже отказался печатать книгу по гнойной хирургии без указания сана. В 1934 г. вышла книга «Очерки гнойной хирургии», которая принесла Епископу-хирургу известность. Но несмотря на это в 1937 году его вновь арестовывают и обвиняют не только в «контрреволюционной агитации», но даже и... в убийствах больных на операционном столе. В газетах появляются заголовки о «хирурге-вредителе»... Это последнее обвинение было особенно оскорбительно для известного врача. 13 суток в тюрьме его подвергают так называемому «конвейеру»: без перерыва круглосуточно ведутся допросы, перемежающиеся с издевательствами и пытками. Но он выстоял! Не признал себя виновным, не стал оговаривать своих товарищей. Он остался несломленным этой дьявольской машиной государственного террора. Владыку Луку приговорили к 5 годам. Наказание отбывал он в Красноярске. С начала Отечественной войны он становится консультантом всех госпиталей Красноярского края, а когда в 1942 году срок ссылки закончился, он получает назначение возглавить Красноярскую епархию с возведением в сан Архиепископа. Напряженную работу хирурга он совмещает с борьбой за Православие — добивается открытия новых храмов. В 1944 году госпиталь из Красноярска переезжает в Тамбов, и Архиепископ Лука получает назначение на Тамбовскую кафедру. Уполномоченный по делам религии Г.Г. Карпов выговаривал Патриарху Сергию, что «тамбовский Владыка в хирургическом госпитале в своем кабинете повесил икону, перед исполнением операции совершает молитвы, на совещании врачей эвакогоспиталя в президиуме сидит в архиерейском облачении». И тем не менее за огромный вклад в медицинскую науку и практическую хирургию в Тамбове Владыка Лука был награжден медалью «За доблестный труд в Великой Отечественной войне 1941-45 г.г.». В Тамбове Архиепископ Лука пишет книгу «Дух, душа, тело», в которой дает достойный ответ атеистам, утверждавшим якобы несовместимость научных и религиозных знаний. Будучи сам признанным ученым и занимая высокое иерархическое положение в Церкви, автор книги доказал, что ничто не препятствует гармоничному сочетанию веры и науки.
В 1946 году его переводят в Симферополь, на Крымскую кафедру. И там Владыка продолжает врачебную деятельность, читает лекции по медицине. Однажды на заседании хирургического общества военный хирург задал вопрос Владыке: «Как вы, такой специалист, хирург, можете верить в Того, Кого никто никогда не видел, в Бога?» Профессор ответил: «Вы верите в любовь?» — «Да». — «Вы верите в разум?» — «Да». «А вы видели ум?» — «Нет». — «Вот и я не видел Бога, но верю, что Он есть». Читать лекции в мирской одежде Святитель Лука категорически отказался.
В эти годы он совершает явные чудеса исцелений. По его молитвам была исцелена молодая женщина, умиравшая от болей в горле, и которой врачи не смогли помочь. Владыка перекрестил больную, помолился и сказал: «Теперь ты будешь здорова». Через несколько дней она совершенно здоровой уехала к мужу на Дальний Восток.
Семен Каменский был безнадежно болен и попросил Архиепископа Луку присутствовать на операции. Святитель спросил: «Веришь ли ты в Бога?» — «Верю, Владыка, но в церковь не хожу». — «Молись! Благословляю тебя и отстраняю от операции. Пятнадцать лет ты не будешь иметь никакой болезни». Так и случилось, по слову Святителя.
Преставился Святитель Лука 11 июня 1961 года. В этот день Церковь праздновала память всех святых, в земле Российской просиявших. Вскоре на могиле Святителя Луки стали происходить чудеса исцелений.
Определением Синода Украинской Православной Церкви от 22 ноября 1995 года Архиепископ Симферопольский и Крымский Лука причислен к лику местночтимых святых.
(Составлено по «Житию Святителя Луки»)

Акафист Святителю Луке, исповеднику, Архиепископу Крымскому

Кондак 1

Возбранный Святителю Церкве Православныя и исповедниче, возсиявый стране нашей в земле Крымстей, яко светозарное светило, добре потрудивыйся и за имя Христово гонение претерпевый, прославляюще прославльшаго тя Господа, даровавшаго нам тебе новаго молитвенника и помощника, похвальное воспеваем ти пение: ты же, яко имеяй велие дерзновение ко Владыце небесе и земли, от всяких недугов душевных и телесных свободи нас и добре стояти в Православии укрепи, да вси во умилении зовем Ти:
Радуйся, Святителю Крымский исповедниче Луко, врачу благий и милостивый.

Икос 1
Ангелов собеседниче и человеков наставниче, Луко преславный, подобно Евангелисту и Апостолу Луке, емуже тезоименит сый, от Бога дар целити недуги человеческия приял еси, во врачевании болезней ближних, многия труды подъемля, и, плоть нося, о плоти нерадел еси, делы добрыми Отца Небеснаго прославил еси. Темже благодарне во умилении зовем ти:
Радуйся, от юности разум свой игу Христову покоривый.
Радуйся, пречестное Святыя Троицы селение бывый:
Радуйся, блаженство милостивых, по Слову Господа, унаследовавый.
Радуйся, верою Христовою и знанием богодарованным многия недужныя исцеливый:
Радуйся, страждущих недугами телесными врачу милосердный.
Радуйся, во дни брани вождей и воинов исцелителю:
Радуйся, всех врачев наставниче.
Радуйся, скорый в нуждах и скорбех сущим помощниче:
Радуйся, Церкви Православныя утверждение.
Радуйся, земли нашея озарение:
Радуйся, крымския паствы похвало.
Радуйся, града Симферополя украшение:
Радуйся, Святителю Крымский исповедниче Луко, врачу благий и милостивый.

Кондак 2
Видя в человецех во время врачеваний, аки в зерцале, премудрость и славу Творца всяческих Бога, к Нему духом выну возносился еси, богомудре, светом же богоразумия твоего и нас озари, да вопием купно с тобою: Аллилуиа.

Икос 2
Разум твой Божественными ученьми просветил еси, Луко всеславне, отвергнув всяко плотское мудрование, с разумом же и волю повинул еси Господеви. Подобен Апостолом быв, тии бо по слову Христову: "Грядите по Мне, и сотворю вы ловца человеком" оставиша вся и по Нем идоша, и ты, святе, услышав зовущаго тя на служение Господа Иисуса чрез раба Своего Архиепископа Ташкентского Иннокентия абие приемлеши священство в Церкви Православней. Сего ради, яко богомудраго наставника, тя ублажающе, воспеваем сице:
Радуйся, Ангела Хранителя увеселение.
Радуйся, яко того николиже опечалил еси:
Радуйся, во учении преспевавый и тем мудрецы мира сего удививый.
Радуйся, от творящих беззаконие уклонивыйся:
Радуйся, Божия Премудрости созерцателю и проповедниче.
Радуйся, истиннаго богословия златословесный учителю:
Радуйся, апостольских преданий блюстителю.
Радуйся, свеще, Богом возженная, мрак нечестия разгоняющая:
Радуйся, звездо, путь ко спасению показующая.
Радуйся, Православия ревнителю:
Радуйся, раскольников обличителю.
Радуйся, свидений и оправданий Господних возжадавый:
Радуйся, Святителю Крымский исповедниче Луко, врачу благий и милостивый.

Кондак 3
Силою благодати Божия, еще во временней жизни приял еси дар, святе Луко, недуги целити, да вси, усердно притекающии к тебе недугов телесных и паче душевных исцеления сподобляются, вопия Богу: Аллилуиа.

Икос 3

Имея неусыпное попечение о спасении душ, вверенных тебе от Бога, Луко блаженне, пастырски к душеспасительной жизни, и словом и самым делом непрестанно наставлял еси. Сего ради приими от нашего усердия достойныя похвалы тебе:
Радуйся, Божия разума исполненный.
Радуйся, благодатию Духа Святаго преосененный:
Радуйся, нищеты Христовы подражателю.
Радуйся, пастырю добрый, уклоняющихся от веры Православныя и блуждающих по горам суемудрия, взыскавый:
Радуйся, делателю винограда Христова, чад Божиих укрепляяй в истинной вере Православней.
Радуйся, щите, защищаяй благочестие:
Радуйся, непоколебимое Православия основание.
Радуйся, твердый каменю веры:
Радуйся, душепагубного неверия и злотворного обновленчества обличителю и искоренителю.
Радуйся, в делании духовнем подвизающихся мудрый укрепителю:
Радуйся, от мира изгнанным пристанища тихаго указателю.
Радуйся, яко приим крест Христу последовал еси:
Радуйся, Святителю Крымский исповедниче Луко, врачу благий и милостивый.

Кондак 4

Бурю внутрь имея помышлений многих, недоумеваше раб Божий, что речет о нем Господь, егда проразумеваху его достойна быти Епископом граду Ташкенту: обаче всего себе Христу Богу предаде, Тому о всем благодарение возсылая, зовый: "Благословен Бог, изливаяй благодать Свою на архиереи Своя". И поя Ему: Аллилуиа.

Икос 4

Слышавше людие Православнии, в гонении сущии, о благоплодных добротах души твоея, богоносе Луко, и видеша на степени святительства, яко достойный сосуд Божественныя благодати, вся немощная врачующая и оскудевающая восполняющая, дивятся чудному промышлению Бога о тебе и приносят ти сицевая благохваления:
Радуйся, Архиерею, от Самого Господа пронареченный.
Радуйся и в надписании книги твоея сан Епископа тебе предуказавый:
Радуйся, иерархов украшение.
Радуйся, пастырю добрый, яко готов был еси душу твою положити за овцы своя словесныя:
Радуйся, многосветлый Церкве светильниче.
Радуйся, Апостолов сопричастниче:
Радуйся, исповедников украшение.
Радуйся, о себе попечение всякое отвергий:
Радуйся, скорбей утолителю.
Радуйся, о людских невежествиих печальниче:
Радуйся, искавших спасения правым учением оглашавый.
Радуйся, житием твоим сего учения не посрамивый:
Радуйся, Святителю Крымский исповедниче Луко, врачу благий и милостивый.

Кондак 5

Боготочною кровию от вечныя смерти искупленныя соблюдая, егда сан Епископа в дни страшных гонений по благословению святаго Патриарха Тихона от рук Епископов Православных приял еси, Святителю Луко, дело благовестника добре сотворил еси, обличая, запрещая, умоляя, со всяким долготерпением и учением, и поя Богу: Аллилуиа.

Икос 5

Видевше Ангельстии чинове великия твоя подвиги, егда по заповеди Господней: "Блажени изгнани правды ради: яко тех есть Царствие Небесное", в крепости сердечней безропотно понесл еси заточение и изгнание в Сибирь за имя Господа и святую Церковь Христову, терпением велиим устрояя свое спасение, примером же своим верных души назидая. Мы же тя усердно любовию почитающе чествуем похвалами сими:
Радуйся, светильниче на свещнице церковнем поставленный.
Радуйся, яко слово Писания: "Любы долготерпит", на тебе оправдася:
Радуйся, защищати тя верным воспретивый.
Радуйся, властем повинувыйся и сего ради волею в руки воинов нощию предавыйся:
Радуйся, клевреты неправедных судей уничиженный.
Радуйся, в заточение со смирением безропотно шедый:
Радуйся, из управляемыя тобою Ташкентския епархии правды ради изгнанный.
Радуйся, верными оплаканный:
Радуйся, за Господа Распятого изъязвленный и заушенный.
Радуйся, уста лживых неверов заградивый:
Радуйся, праведными устами небесныя истины и в изгнании вещавый.
Радуйся, яко мученицы на небесех о терпении твоем ликоваху:
Радуйся, Святителю Крымский исповедниче Луко, врачу благий и милостивый.

Кондак 6

Проповедник немолчный тайны Пресвятыя, Единосущныя и Неразделимыя Троицы был еси и в темнице, и во градех сибирского изгнания, терпя глад, мраз северныя страны и жестокость клевретов безбожных. Сего ради проповедует Церковь Крымская величия Божия явленныя на тебе, Святителю Луко, яко приял еси дар целити недуги душевныя и телесныя и в стране изгнания, да вси единым сердцем и едиными усты воспеваем Богу: Аллилуиа,

Икос 6

Возсиял еси, яко звезда лучезарная, красноярстей пастве и тамбовстей, озаряя души верных и разгоняя тьму нечестия и безбожия. И исполнишася на тебе слова Христовы: "Блажени есте, егда поносят вам, и ижденут, и рекут всяк зол глагол на вы лжуще, Мене ради". Ты же, гонимый из града во град и клеветы терпя, архипастырское служение усердне исполнял и сладостию писаний твоих насыщал вся алчущия и жаждущия правды, иже благодарно взывают тебе:
Радуйся, наставниче всех к небеси наставляяй.
Радуйся, славы Божией истинный ревнителю:
Радуйся, воине Христов непобедимый.
Радуйся, за Христа Господа темницы и биения терпевый:
Радуйся, смирения Его истинный подражателю.
Радуйся, вместилище Духа Святаго:
Радуйся, вшедый с мудрыми в радость Господа твоего.
Радуйся, корыстолюбия обличителю:
Радуйся, пагубу тщеславия показавый.
Радуйся, беззаконники ко обращению призывавый:
Радуйся, имже сатана посрамися.
Радуйся, имже Христос прославися:
Радуйся, Святителю Крымский исповедниче Луко, врачу благий и милостивый.

Кондак 7

Хотя достойно совершити подвиг, возложенный на тя от Бога, облеклся еси во вся оружия Божия и стал на брань противу миродержителей века сего, духовом злобы поднебесным, препоясав чресла своя истиною и облекшись в броню правды, угасил, исповедниче Луко, вся стрелы лукаваго, поя Содетелю и Богу: Аллилуиа.

Икос 7

Новое гонение воздвиже беззаконных человек и безбожных на Церковь Православную и в дальнюю таежную глубину угнаша тя, Святителю Луко, и близ смерти быв, рукою Божиею сохранен, взывал с Павлом Апостолом: "До нынешнего часа и алчем, и жаждем, и наготуем, и страждем, и скитаемся... Гоними, терпим: якоже отреби миру быхом, всем попрание доселе". Сего ради, ведуще таковая, ублажаем тя:
Радуйся, исповедниче Христов блаженый.
Радуйся, мраз лютый претерпевый:
Радуйся, близ смерти бывый, Господом сохраненный.
Радуйся, самоотвержение всецелое показавый:
Радуйся, уневестивый душу твою Жениху Христу.
Радуйся, Господа распятаго на Кресте присно пред собою предзревый:
Радуйся, во бдениих и молитвах неослабно пребывал еси.
Радуйся, Единосущныя Троицы истинный ревнителю:
Радуйся, скорый от всякия болезни безмездный врачу.
Радуйся, ломотныя и опухлыя уврачевавый:
Радуйся, от неисцельныя гнойныя болезни костей и ран здрави возставивый.
Радуйся, яко верою твоею и трудами врачевными расслабленнии исцелеша:
Радуйся, Святителю Крымский исповедниче Луко, врачу благий и милостивый.

Кондак 8

Странник во юдоли земней быв, терпения, воздержания и чистоты образ показал еси, исповедниче Луко. Любовь евангельскую явил еси, егда отечество в опасности от нашествия иноплеменник пребываше, деннонощно во врачебнице трудился, исцеляя недуги и раны вождей и воинов отечества земнаго, непамятозлобием и любовию удивляя всех творящих ти напасти и многия сим обратил ко Христу во еже пети Ему: Аллилуиа.

Икос 8

Весь исполнь любве Христовы, Луко благосерде, душу твою полагал еси за други твоя, и яко Ангел Хранитель присущ был еси ближним и дальним, озлобленныя укрощая, враждующии примиряя и спасение всем устрояя. Поминая труды твоя во благо людей отечествия твоего, благодарне взываем ти:
Радуйся, дивную любовь ко отечеству земному показавый.
Радуйся, смирения и незлобия учителю:
Радуйся, изгнание и жестокия муки мужемудренно претерпевый.
Радуйся, за Христа пострадавый и мучимый:
Радуйся, твердо Его исповедавый.
Радуйся, злобу врагов любовию Христовою победивый:
Радуйся, отче благосердный, взыскавый спасения многих.
Радуйся, яко великими скорбями был искушаем:
Радуйся, в гонениих терпение дивное явивый.
Радуйся, яко за враги умолял еси Господа:
Радуйся, егоже любовь победи всяку вражду.
Радуйся, егоже незлобие покори жестокия сердца:
Радуйся, Святителю Крымский исповедниче Луко, врачу благий и милостивый.

Кондак 9

Всем был еси вся, якоже и святый Павел, да всяко некия спасеши, Святителю Луко, архипастырский подвиг совершая в тамбовстем крае, многими труды храмы обновляя и созидая, Уставы Святоотеческия строго соблюдая, спасению паствы твоея служити не престал еси, чисто Богови поюще: Аллилуиа.

Икос 9

Витии человечестии не возмогут по достоянию изрещи твоих благодеяний множество, егда явился на Крымстей земли, яко отец чадолюбивый, Святителю отче Луко. Щедродательная бо десница твоя всюду досязаше. Мы же благосердию твоему подражати хотяще, во удивлении взываем к тебе:
Радуйся, лучу любве Божия.
Радуйся, сокровище милосердия Спасова неисточимое:
Радуйся, яко вся своя неимущим раздавал еси.
Радуйся, ближния твоя паче себе возлюбивый:
Радуйся, безматерних сирот питателю и окормителю.
Радуйся, безпомощных старцев и стариц попечителю:
Радуйся, яко болящия и в темнице заключенныя посещал еси.
Радуйся, яко нужды бедных предварял в различных местах отечества своего:
Радуйся, яко нищия поминая, обеды им устроял еси.
Радуйся, яко коемуждо в горестех, аки Ангел утешитель являлся еси:
Радуйся, Ангеле земный и человече небесный.
Радуйся, яко о глубине милосердия твоего Мати Божия возрадовася:
Радуйся, Святителю Крымский исповедниче Луко, врачу благий и милостивый.

Кондак 10

Спасению крымския паствы твоея служити многолетне не престал по образу пастыреначальника Христа на рамех заблудшее взем естество Богу и Отцу привел еси. Божиим бо милосердием утешая, ко исправлению жития словесы учительными твоими влекл еси вся, во еже сердцем чистым пети Богу: Аллилуиа.

Икос 10

Царя Небеснаго Христа Бога верный служитель быв, Святителю отче Луко, неустанно возвещал слово истины во всех храмах земли нашея Таврическия, душеспасительною пищею учения евангельского верныя чада научая и Устав Церковный строго исполняти повелевая. Темже тя, яко пастыря добраго, сице прославляем:
Радуйся, неутомимый проповедниче правды евангельския.
Радуйся, яко Богом врученное тебе стадо словесное добре пасый:
Радуйся, яко овцы своя словесныя от душегубных волков охранявый.
Радуйся, чина церковнаго строгий блюстителю:
Радуйся, чистоты веры Православныя охранителю.
Радуйся, тобою бо Дух Святый написа словеса спасительныя:
Радуйся, яко тайну богословия о духе, душе и теле явил еси нам.
Радуйся, яко слово твое, аки в ризы позлащены, тайны веры одеяшася:
Радуйся, молние, гордыню низлагающая.
Радуйся, громе, беззаконно живущия устрашаяй:
Радуйся, церковнаго благочестия насадителю.
Радуйся, Архипастырю, пастыри духовныи наставляяй и вразумляяй непрестанно:
Радуйся, Святителю Крымский исповедниче Луко, врачу благий и милостивый.

Кондак 11

Пение у гроба твоего, угодниче Божий, не умолкаше во днех блаженнаго успения твоего. Мнози бо ведяху тя богоносна и равноангельна суща собрашася от всех предел земнаго твоего отечествия совершити соборное моление о душе твоей восходящия в горния обители отечествия небеснаго, воспевая и поя Богу: Аллилуиа.

Икос 11

Свеща еси в Церкви Христовой, горящая невещественным светом благодати Божией был еси, Святителю Луко, вся концы земли нашея озаряя. Егда же приспе время отшествия твоего, Божественнии Ангели прияша святую душу твою, и в небесныя обители вознесоша. Темже, поминающе блаженное успение и велие твое на небеси и на земли прославление, с радостию приносим ти благохваления сия:
Радуйся, светильниче немеркнущий Света Невечерняго.
Радуйся, яко мнози прославиша чрез твои добрыя дела Отца Небеснаго:
Радуйся, яко свет добрых дел твоих просветился пред человеки.
Радуйся, житием твоим праведным Богу угодивый:
Радуйся, угодниче Божий, течение благочестне скончавый.
Радуйся, веру, надежду и любы от Господа стяжавый:
Радуйся, со Христом, Его же возлюбил еси, на веки соединивыйся.
Радуйся, Царствия Небеснаго и славы вечныя наследниче:
Радуйся, Архиерею, от вечнаго Архиерея Христа благодатными дарами исполненный.
Радуйся, скорый помощниче призывающим тя:
Радуйся, земли Крымския новое светило и утверждение.
Радуйся, рода христианскаго благодатный покровителю:
Радуйся, Святителю Крымский исповедниче Луко, врачу благий и милостивый.

Кондак 12

Благодать Свыше ти данную познавше, благоговейно лобызаем честнаго лика твоего изображение, Святителю Луко, чающе тобою получити просимое от Бога. Темже припадая ко святым мощем твоим со умилением молим тя: Укрепи нас добре стояти в вере Православней и угождающе благими делы немолчно пети Богу: Аллилуиа.

Икос 12

Поюще Бога, дивнаго во святых Своих, хвалим тя, Христова исповедника, Святителя и предстателя пред Господем. Весь бо еси в вышних, но и нижних не оставляеши, Святителю отче Луко, присно со Христом царствуеши и о нас грешных пред Престолом Божиим ходатайствуеши. Сего ради во умилении зовем ти:
Радуйся, света неприступнаго зрителю.
Радуйся, звездо лучезарная, над землею нашею возсиявшая:
Радуйся, емуже сорадуются Ангелы, и о нем же веселятся человецы.
Радуйся, научивый заповедем Христовым и сотворивый я:
Радуйся, яко достоин явился еси Царствия Небеснаго.
Радуйся, путем исповедничества райских селений достигший:
Радуйся, поношения Христа ради терпевый и вечную с Ним славу приявый.
Радуйся, души наша к Царствию Небесному путеводяй:
Радуйся, предстателю пред Престолом Божиим за нас грешных.
Радуйся, Православия похвало и земли нашея радование:
Радуйся, в сонме святых быти сподобивыйся.
Радуйся, Собору всех Крымских святых сопричастниче:
Радуйся, Святителю Крымский исповедниче Луко, врачу благий и милостивый.

Кондак 13

О великий и преславный угодниче Божий, Святителю отче наш Луко, приими сие похвальное пение от нас недостойных, обаче с любовию сыновнею тебе приносимое. Предстательством твоим у Престола Божия и молитвами твоими всех нас в вере Православней и добрых делех утверди. От всяких бед, скорбей, болезней и напастей в сей жизни находящих сохрани, от мучений в будущем веце избави. И сподоби в вечней жизни купно с тобою и со всеми святыми пети Творцу нашему: Аллилуиа.

(Сей кондак читается трижды. А по сем читается икос 1 и кондак 1.)

Молитва ко Святителю Луке, исповеднику, Архиепископу Крымскому
О всеблаженный исповедниче, Святителю отче наш Луко, великий угодниче Христов! Со умилением преклоньше колена сердец наших, и припадая к раце честных и многоцелебных мощей твоих, якоже чада отца молим тя всеусердно: услыши нас грешных и принеси молитву нашу к милостивому и человеколюбцу Богу, Емуже ты ныне в радости святых и с лики ангел предстоиши. Веруем бо, яко ты любиши ны тою же любовию еюже вся ближния возлюбил еси, пребывая на земли.
Испроси у Христа Бога нашего да утвердит во Святей Своей Православней Церкви дух правыя веры и благочестия: пастырям Ея да даст святую ревность и попечение о спасении вверенных им людей: право верующия соблюдати, слабыя и немощныя в вере укрепляти, неведущия наставляти, противныя обличати. Всем нам подай дар коемуждо благопотребен, и вся яже к жизни временней и к вечному спасению полезная. Градов наших утверждение, земли плодоносие, от глада и пагубы избавление. Скорбящим утешение, недугующим исцеление, заблудшим на путь истины возвращение, родителем благословение, чадом в страсе Господнем воспитание и научение, сирым и убогим помощь и заступление.
Подаждь нам всем твое архипастырское и святое благословение, да тобою осеняеми избавимся от козней лукаваго и избегнем всякия вражды и нестроений, ересей и расколов.
Даруй нам богоугодно прейти поприще временной жизни, настави нас на путь ведущий в селения праведных, избави нас воздушных мытарств и моли о нас всесильнаго Бога, да в вечней жизни с тобою непрестанно славим Отца и Сына и Святаго Духа, Емуже подобает всякая слава, честь и держава во веки веков. Аминь.

Тропарь Свт. Луке, глас 1
Возвестителю пути спасительного, исповедниче и Архипастырю Крымския земли, истинный хранителю отческих преданий, врачу богомудрый Святителю Луко, Христа Спаса непрестанно моли веру непоколебиму Православным даровати, и спасение, и велию милость.

Кондак, глас 1
Якоже звезда всесветлая, добродетельми сияющи, был еси Святителю, душу же равноангельну сотворил, сего ради Святительства саном почется, во изгнании же от безбожных много пострадал и непоколебим верою пребыв, врачебною мудростию многия исцелил еси. Темже ныне честное тело твое от земленных недр обретенное дивно Господь прослави, да вси вернии вопием ти: радуйся, отче Святителю Луко, земли Крымстей похвале и утверждение.

22.11.2002
2707
Понравилось? Поделитесь с другими:
См. также:
0
0
Пока ни одного комментария, будьте первым!

Оставьте ваш вопрос или комментарий:

Ваше имя: Ваш e-mail:
Содержание:
Жирный
Цитата
: )
Введите код:

Закрыть






Православный
интернет-магазин



Подписка на рассылку:



Вход для подписчиков на электронную версию

Введите пароль:
Пожертвование на портал Православной газеты "Благовест":

Вы можете пожертвовать:

Другую сумму


Яндекс.Метрика © 1999—2024 Портал Православной газеты «Благовест», Наши авторы

Использование материалов сайта возможно только с письменного разрешения редакции.
По вопросам публикации своих материалов, сотрудничества и рекламы пишите по адресу blago91@mail.ru