Молитвы воинов

Спасителю мой! Ты положил еси душу Свою, во еже спасти нас, Ты заповедал еси и нам полагати души своя за други и за ближних наших. Темже радостно иду аз исполнити святую волю Твою и положити жизнь свою за Отечество. Вооружи мя крепостию и мужеством на одоление врагов, даруй ми веру твердую и упование, яко не умру, но жив буду во Царствии Твоем. Аминь.

Господи Боже всесильный, всех уповающих на милость Твою не оставляяй, но защищаяй их, буди ми милостив, и соблюди мя от прелести вражия Твоим защищением, да не паду пред сопротивники моими, и да не порадуется враг мой о мне: предстани ми, Спасителю мой, в подвизе сем, в него же внити желаю за имя Твое святое. Ты мя укрепи и угверди, и подаждь силу стати мужественно за Тя до крове, и положити душу мою любве Твоея ради, якоже и Ты, возлюбив нас, положил еси на кресте душу Свою за нас.