Тропарь, глас 2
Благодати Божией вместилище, исповедниче веры Христовой, в Иверии просиявый, преподобне отче Гаврииле! Миром отверженный, в юродстве прославленный, любовию Христовой пламеневый, услыши нас, ближних твоих, да простит нам Господь прегрешения наша.
Кондак, глас 5
Лозо многоплодная райского саждения, доблестный воине Христов, преподобне отче Гаврииле, Самтаврийский чудотворче! Высоты добродетелей достигнувый, мудрых превосходяй разумом, юродиве пречудный, умоли Владыку Вседержителя, да избавит нас греховнаго пленения, насилия вражия и тяжких обстояний.
Молитва преподобному Гавриилу (Ургебадзе)
О преподобне отче Гаврииле, чудотворче Самтаврийский, подвигом юродства Христа ради просиявый! Вознеси о нас молитвы твоя ко Господу, яко фимиам благоуханный, избави нас, досточудне отче, предстательством твоим от всякия беды и напасти, сети демонския разруши, вражду угаси, недужныя исцели. Не оскудевает река чудес Божиих от раки твоей святей, преподобне, не иссякает поток милосердия Его к нам, грешным, молящимся тебе. Дара велией любви от Господа удостоенный, бремена ближних носивый, о грешных и страждущих слезы проливавый, принеси молитвы наша и плач покаянный ко Престолу Божию. Да сподобимся помощию твоею, достохвальне отче, безпреткновенно пройти воздушные мытарства и достичь Отечества Небеснаго, идеже непрестанный глас празднующих славит Пресвятую Троицу, Отца и Сына и Святаго Духа, ныне и присно и во веки веков. Аминь.
Молитва старца Гавриила.
Господи, молю Тебя, услышь нас с Небес, обрати и на нас взор Свой, помилуй нас. Отпусти нас с миром идти по пути Твоему, исполнять заповеди Твои, удаляться от зла. Научи нас, Господи, молиться Тебе и исполнять святые Твои заповеди, дабы сердце наше стало преданным Тебе и мы следовали святому закону Твоему. Аминь.
Память преподобного Гавриила (Ургебадзе) 2 ноября - 20 октября.
Использование материалов сайта возможно только с письменного разрешения редакции.
По вопросам публикации своих материалов, сотрудничества и рекламы пишите по адресу blago91@mail.ru