Молитва Всемогущему Спасу Святителя Димитрия Ростовского

Спаси мя, Спасе мой, по милости Твоей, а не по делам моим. Ты веси, коим образом мя спасти: спаси убо мене, якоже хощеши, яко можеши, якоже веси: имиже веси судьбами спаси мя. Аз на Тя, Господа моего, надеюся и Твоей воле святой себе вручаю: твори со мною якоже хощеши. Аще хощеши мя имети во свете, буди благословен. Аще хощеши мя имети во тьме, буди паки благословен. Аще отверзеши ми двери милосердия Твоего, добро убо и благо. Аще затвориши ми двери милосердия Твоего, благословен еси, Господи, затворивый ми во правду. Аще не погубиши мя со беззаконьми моими, слава безмерному Твоему милосердию. Аще погубиши мя со беззаконьми моими, слава праведному суду Твоему. Якоже хощеши, устрой о мне вещь. Аминь.